Riorganizim sektorësh në Policinë e Shtetit.

Pas disa ndryshimeve të bëra në policinë e Tiranës, të tjera ndryshime janë bërë edhe në sektorë të rëndësishëm.

Disa sektorë në rrethe janë shkrirë dhe janë përqendruar në një dorë.

Kështu, sektori i Veprave Kundër Korrupsionit shkrihet nëpër rrethe dhe transferohet në Policinë e Shtetit. Gazetarja e SYRI TV bën me dije se në këtë sektor është emëruar Pëllumb Molla.

Sakaq, Pastrimi i Parave do të kthehet në sektor më vete, që do të drejtohet nga Agron Kurti.

Po ashtu ndryshime do të ketë edhe në sektorin e Analizës Financiare, e cila do të transferohet në Drejtorinë e Përgjithshme.