Një person ka mbetur i vrarë me plumb në kokë në një lokal në Kavajë. Mësohet se viktimë e këtij atentati mafioz ka mbetur Arjan Gosa, vëllai i Edmond Gosës, i vrarë një muaj më parë.
Ndërkohë janë mësuar detaje të reja për ngjarjen e rëndë ndodhur këtë mbremje në Kavajë.
Viktima Arjan Gosa ishte me të atin, po pinte kafe në një lokal dhe pranë tyre ka shkuar një person ende i paidentifikuar dhe e ka qëlluar me tek plumb pistolete në kokë.
Autori mësohet se është larguar në këmbë, ndërkohë që pritet këqyrja e kamerave të sigurisë për të kuptuar më shumë shpjegojnë burime policore për Syri TV.
© SYRI.net