Dy ditë më parë, Gjykata e Lartë rrëzoi kërkesën e themeluesit dhe CEO-s së kompanisë “Thodex” Faruk Ozer për të mos u ekstraduar drejt Turqisë aty ku akuzohet për mashtrimin e rreth 400 mijë personave.
I njohur ndryshe si bosi i kriptomonedhave, Ozer është ekstraduar këtë të enjte drejt vendlindjes.
Mediat turke kanë publikuar pamjet e mbërritjes në Turqi. Nga pamjet duken masa të rrepta sigurie me 6 oficerë dhe 2 furgonë që kanë mbëritur në aeroport.
Ai akuzohet në Turqi për krijimin e një skeme mashtrimi nëpërmjet shitjes së monedhave virtuale. Ozer dyshohet se kur u arratis nga vendi i tij, kishte me vete një server ku mbahen 108 milionë dollarë në formë kriptomonedhash. Ai është arratisur prej muajit prill të vitit 2021 nga shteti turk.
© SYRI.net