Një punëtor në Shëngjin ka ndërruar jetë pasi ka rënë nga skela në kohën kur po punonte. Ai quhet Arjan Lazri, është 45 vjeç dhe banor i fshatit Kallmet

Policia e Lezhës njoftoi se  ngjarja ndodhi rreth orës 8:00.

"Në Shëngjin, në Kune, shtetasi A. L. 45 vjeç, banues në Kallmet, duke punuar në një objekt në ndërtim e sipër, dyshohet se ka rënë aksidentalisht nga lartësia dhe si pasojë e dëmtimeve fizike të marra, ka ndërruar jetë. 

Shërbimet e Policisë kanë shoqëruar në ambientet e Policisë për veprime të mëtejshme proceduriale administratorin e firmës që po kryen punimet në këtë objekt, shtetasin A. K.

Gjithashtu, grupi hetimor vazhdon veprimet verifikuese hetimore në lidhje me zbatimin e rregullave teknike në punë dhe të dokumentacioneve, me qëllim sqarimin e plotë të rrethanava të ngjarjes."