Aksident me vdekje në aksin e vjetër rrugor Lushnjë - Berat në dalje të lagjes Karbunarë.
Mjeti tip benz me targa AA484PY ka përplasur një 65-vjeçar që udhëtonte me biçikletë.
Shtetasi Hamdi Çela ndërron jetë në spital nga plagët e marra.
Policia ndaloi drejtuesin e benzit dhe po dokumenton ngjarjen.
Njoftimi:
Lushnjë/ Informacion paraprak
Rreth orës 12:20, në vendin e quajtur "Stan Karbunarë", automjeti tip "Benz" me drejtues shtetasin A. B., 60 vjeç, ka aksidentuar shtetasin H. Ç., 65 vjeç, i cili ishte duke udhëtuar me biçikletë.
Si pasojë e përplasjes, drejtuesi i biçikletës ka ndërruar jetë, ndërsa shtetasi A. B. u shoqërua në ambientet e Policisë, për kryerjen e veprimeve të mëtejshme procedurale.
Grupi hetimor po punon për përcaktimin e shkaqeve të aksidentit.
© SYRI.net