Ekspertët e sigurisë rrugore e shohin me skepticizëm shtrenjtimin e ndjeshëm të çmimit të patentave. Në një intervistë për SYRI TV, eksperti Artur Sulçe thotë se me këto çmime, Shqipëria renditet në vendet më të shtrenjta për marrjen e lejes së drejtimit në raport me pagën mesatare, ndërsa sa i përket formalizimit të autoshkollave, sipas tij janë autoritetet tatimore ato që e kryejnë dhe jo enti kontrollues i autoshkollave
Nga SYRI TV
“Marrëveshja e nënshkruar mes Drejtorisë së Shërbimeve të Transportit Rrugor dhe Shoqatës së Autoshkollave, që do të sjellë rritje deri në dyfishim të çmimit të pajisjes me lejen e drejtimit, nuk konsiderohet efektive, jo vetëm për qytetarët, por edhe për ekspertët e sigurisë rrugore.”
Sipas ekspertit të Sigurisë Rrugore, Artur Sulçe, janë autoritetet tatimore ato që duhet të kryejnë procesin e formalizimit të autoshkollave dhe jo enti kontrollues i tyre.
Në intervistën e dhënë për SYRI TV, eksperti i sigurisë rrugore dha një suygjerim konkret, që sipas tij do ta bënte më efektive punën e autoshkollave.
Me vënien në zbatim të marrëveshjes, pas 25 vjetësh pritet të ndryshojnë tarifat për marrjen e patentës për kategoritë A, B, C dhe D.
Në varësi të kategorive çmimet do të jenë dy deri në katër herë më shtrenjtë se aktualet.
Me çmimet e reja, Shqipëria renditet ndër vendet më të shtrenjta për marrjen e lejes së drejtimit në raport me pagën mesatare dhe më e shtrenjta krahasuar me vendet e rajonit.
Çmimet e patentave për kategorinë B (teori+praktikë)
Shqipëria 740 €
Maqedonia e Veriut 700€
Kosova 418€
Mali i Zi 312€
Ndryshimi i çmimit për patentën e kategorisë B (Shqipëri)
Teoria Është 20.000 lekë Bëhet 30.000 lekë
Praktika Është 25.000 lekë Bëhet 55.000 lekë
Total Është 45.000 lekë Bëhet 85.000 lekë
Rritja 40.000 lekë
Çmimet e reja të patentave sipas kategorive
A1 45.000 lekë
A2 55.000 lekë
B1 55.000 lekë
B 85.000 lekë
C 95.000 lekë
D 125.000 lekë
Fitim i pikëve të humbura 32.000 lekë
Gazetare: F. Çela
Operator: S. Goga
Montazhier: O. Demo
© SYRI.net