Viti 2023 është shpallur viti i qëndresës antikomuniste në kuadër të 50-vjetorit të revoltës antikomuniste të Spaçit.
Pjesëmarrësit e Revoltës së Spaçit dhe ish të burgosur e të përndjekur Politikë vunë theksin në nderimin e martirëve të lirisë që ngritën flamurin pa yllin komunist.
Syri Tv
Në kuadër të 50-vjetorit të revoltës antikomuniste të Spaçit, 2023 është shpallur Viti i qëndresës antikomuniste.
Kështu është konsideruar ky vit nga pjesëmarrësit e Revoltës së Spaçit dhe Unioni Mbarëkombëtar i Integrimit të Burgosurve e të Përndjekurve Politikë të Shqipërisë.
Në aktivitetin e organizuar këtë të hënë, ata vunë theksin në nderimin e martirëve të lirisë që në mes të plumbave ngritën flamurin pa yllin komunist, ndërsa adresuan edhe disa kërkesa ndaj institucioneve.
Duke e cilësuar si një mision të papërmbushur dënimin e krimeve të komunizmit në Shqipëri, ish-të përndjekurit politikë bëjnë apel për ndërmarrjen e nismave ligjore në mbështetje të kësaj kategorie.
© SYRI.net