11 persona janë arrestuar nga policia spanjolle, përfshirë edhe kreun e grupit, të cilët merreshin me trafikimin e lëndëve narkotike.

Sipas mediave të huaja, gjatë momentit të arrestimit, kreu i bandës ka hapur zjarr ndaj efektivëve, por pa mundur dot t’u shpëtojë prangave.

Të organizuar shumë mirë, trafikantët merrnin me qira shtëpi ose apartamente me qira në zona larg qendrave urbane të qyteteve të provincës së Girona dhe i kishin rregulluar këto akomodime për kultivimin e marijuanës në ambiente të mbyllura.

Drejtuesit kryesorë të organizatës bënin udhëtime të rregullta drejt Shqipërisë për të transferuar paratë që fitonin nga shitja dhe shpërndarja e drogës. Ata gjithashtu rekrutuan “kopshtarët” e tyre në vend. Këta persona nuk kanë qëndruar kurrë më shumë se tre muaj në Spanjë, saktësojnë hetuesit.

Desarticulem amb @policia un grup criminal que produïa marihuana a Girona i la distribuïa a països del centre d'Europa. Un dels detinguts va obrir foc contra la policia des de la finestra de casa seva durant una de les entrades https://t.co/R3SjIJD1Jw pic.twitter.com/38j7HJzFHZ

— Mossos (@mossos) December 23, 2022