Athinë - Në momentin e vrasjes së dyfishtë në Nea Smyrni, në shesh duhet të kishte pasur patrullë policore, tha për SKAI. ministri grek i Mbrojtjes së Qytetarit, Takis Theodorikakos, lidhur me ekzekutimin e Kreshnik Çerçizajt dhe të Armando Organjës.

“Ngjarja në Nea Smyrni është një ngjarje shumë tronditëse. Është një vrasje, të dielën mbrëma dhe e kuptoj që kjo mbjell shqetësim”, theksoi ministri dhe vijoi: “Të dielën mbrëma duhet të ishte patrulla e DIAS-it. I kam kërkuar policisë që të kapërcejë çdo lloj syndrome fobike dhe të forcojë praninë e saj efektivisht kudo. Në incidentin e Nea Smyrni kishte një sindromë fobike”.

Për sa i përket pastrimit të hesapeve, ai theksoi: “Vlerësimi i policisë është se është një spastrim në radhët e njerëzve të natës që i përkasin mafies shqiptare, mund të ketë degëzime të tjera, për të cilat duhet të kemi edhe bashkëpunim ndërkombëtar, por nuk mund t'u përgjigjem pyetjeve më specifike."

Njëkohësisht z.Theodorikakos theksoi se “kam bërë një kontroll specifik dhe i kam kërkuar shefit të policisë të kthehet në shërbim DIAS 150, i dërguar në shërbime të tjera.

Ka pasur një mandat të qartë për rritjen e patrullave dhe është arritur prej kohësh. Besoj se në këtë zonë të veçantë për një periudhë të konsiderueshme kohore ka pasur një gjë të tillë", vërejti ministri.