Azilkërkuesit me simptoma të difterisë do të vihen në izolim pas një rritje të numrit të infeksioneve mes atyre që kanë shkuar në Mbretërinë e Bashkuar.

Ministri britanik i Imigracionit u tha deputetëve se imigrantët që do të shfaqin shenja të sëmundjes shumë ngjitëse do të veçohen për një "periudhë të shkurtër" në qendrën e përpunimit Manston në Kent ose do të mbahen në një "qendër izolimi të caktuar" ndërsa kurohen.

Çdo azilkërkuesi që mund të ketë infeksionin, por tashmë është në hotele, do t'i thuhet të izolohet në dhomën e vet, tha Robert Jenrick.

Kjo vjen pasi Sekretarja e Brendshme Suella Braverman u përball me kritika për mbipopullimin dhe shpërthimet e sëmundjeve në Manston dhe Zyra e Brendshme tha se një burrë i mbajtur atje mund të kishte vdekur nga një infeksion difterik.

Agjencia e Sigurisë Shëndetësore e Mbretërisë së Bashkuar (UKHSA) tha se kishte pasur një "rritje" të rasteve për difterinë në mesin e azilkërkuesve që mbërrinin në Mbretërinë e Bashkuar, me 50 të identifikuar që nga 25 nëntori. Shifra ishte 39 më 10 nëntor. Ndërkohë, kalimet e Kanalit anglez rifilluan, me më shumë migrantë të fotografuar që mbërrinin në bregun e Kentit.

Z. Jenrick i tha Commons të hënën: "Nga sot, askush që paraqet simptoma nuk do të përparojë në sistemin e akomodimit të azilit." Ata ose do të qëndrojnë në Manston, duke u izoluar për një periudhë të shkurtër, ose ata do të shkojnë në një qendër izolimi të caktuar me transport të sigurt, ku do të kurohen derisa të gjykohen të aftë nga pikëpamja mjekësore.”

Disa ekspertë të shëndetit publik ngritën shqetësime për përhapjen e sëmundjes ndërsa imigrantët u transferuan në hotele.

Raporti i fundit i UKHSA tha se 38 prej rasteve kanë është raportuar në juglindje, si dhe më pak se pesë në secilën nga zonat e mëposhtme: Londër; Ëest Midlands; Jugperëndimi; Veri-lindje dhe veriperëndim.

Nuk është dhënë asnjë ndarje sipas qarqeve.

Më parë, Sekretari i Shëndetësisë Steve Barclay tha se 500 njerëz u vaksinuan përpara se të zhvendoseshin nga Manston dhe në hotele anembanë Britanisë.

Të gjithë migrantëve iu ofrohet një vaksinë pas mbërritjes në Mbretërinë e Bashkuar.

Ministrat dhe zyrtarët britanikë të shëndetësisë kanë këmbëngulur se rreziku që publiku të preket nga difteria është shumë i ulët dhe infeksionet janë të rralla.

Sëmundja – e cila prek hundën, fytin dhe ndonjëherë lëkurën – mund të jetë fatale nëse nuk kurohet shpejt, por antibiotikët dhe ilaçet e tjera janë në dispozicion.

Një burrë i mbajtur në Manston vdiq në spital më 19 nëntor pasi kaloi Kanalin anglez shtatë ditë më parë. Edhe pse në analizat fillestare ai rezultoi negativ, një test më pas për PCR tregoi se "difteria mund të ketë qënë shkaku i sëmundjes", thanë zyrtarët e qeverisë. Ndaj, po kryhet ekspertiza pas vdekjes për të përcaktuar shkakun e vdekjes.