Një 21 vjeçar me inicialet K.Q është shpallur në kërkim në qytetin e Sarandës, pasi nën kërcënimin e armës së ftohtë (thikë), ka grabitur një celular në dyqanin që ishte në pronësi të shtetasit F.D.

Policia po punon për kapjen e autorit të grabitjes.

Njoftimi i Plotë nga Policia:

Specialistët për Hetimin e Krimeve në Komisariatin e Policisë Sarandë shpallën në kërkim shtetasin K. Q., 21 vjeç, banues në Delvinë, për veprën penale “Vjedhja me dhunë”, pasi mbrëmjen e djeshme, në lagjen nr.2, Sarandë, ka vjedhur me dhunë dhe nën kërcënimin e armës së ftohtë (thikë), një aparat celular, në dyqanin e shtetasit F. D. Punohet për kapjen e tij.