Një oficer policie është ekzekutuar me armë zjarri në Lezhë nga trafikantët, gjatë kohës që ishte në krye të detyrës gjatë një operacioni në Vain të Lezhës për parcelat e drogës. Viktima është Saimir Hoxha, 44 vjeç.
Nga raportimet paraprake mësohet se një grup efektivësh të anti-drogës në Policinë e Lezhës po kontrollonin gjatë orëve të para të mëngjesit në zonën e Vainit.
Sipas informacioneve paraprake të SYRI TV, grupi i kontrollit ka ndaluar makinën ku ka qenë autori i dyshuar, kjo për shkak të kontrolleve që po ushtronin për kanabis.
Por gjatë ndalimit, autori i dyshuar Aldo Rama ka qëlluar më drejtim të efektivit dhe më pas është larguar, që ndërkohë janë ngritur postoblloqe.
Operacioni po zhvillohej pas informacioneve për parcela në atë zonë.
© SYRI.net