Ministria e Shëndetësisë ka reaguar në lidhje me lajmin e humbjes së jetës së një 69 vjeçari në Spitalin Infektiv, duke mohuar që pacienti të ketë humbur jetën nga COVID-19 edhe pse ishte bartës i virusit
Lidhur me lajmin e publikuar në media për vdekjen e një pacienti 69-vjeçar nga Shkodra me COVID-19, Ministria e Shëndetësisë dhe Mbrojtjes Sociale informon se:
Pacienti 69-vjeçar nga Shkodra që ka ndërruar jetë në spitalin infektiv, ka humbur jetën si pasojë e sëmundjes hemoragjisë cerebrale (aksidentit vascular hemoragjik).
69-vjeçari ishte prej 13 vitesh me tumor në kokë dhe kishte kryer 3 ndërhyrje. Kishte hemorragji cerebrale dhe ishte në gjendje të rëndë në koma.
Sipas spitalit infektiv, 69-vjeçari nuk ka ndërruar jetë si pasojë e COVID-19, pasi ishte bartës i virusit, por pa shenja të sëmundjes, (asimptomatik) dhe ka ndërruar jetë si pasojë e hemoragjisë cerebrale.
Ministria e Shëndetësisë i shpreh ngushëllime familjes së të ndjerit dhe informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare.
© SYRI.net
E cfare ka per t'u habitur? Po te kesh Covid 19 dhe t'ia heqesh vetes ne lule te ballit, i bie qe ke vdekur nga Covid 19???
DO FILLOJNE EDHE KETU FSHEHJET E VIKTIMAVE NGA COVID-19, ASHTI SI KOREA E VERIUT DHE REPUBLIKA POPULLORE E KINES!! EDHE KETU KA URDHERUAR LIDERI SUPREM: FSHIHENI CDO VIKTIME NGA COVID-19!