Ministria e Shëndetësisë njoftoi sot për 2 raste të reja me koronavirus në Durrës duke e çuar në 38 numrin total të të prekurve në këtë qytet që prej fillimit të krizës së koronavirusit në vend.

Burimet thonë se bëhet fjalë për burrë e grua 37 dhe 39 vjeç, të cilët jetojnë në të njëjtin pallat me 77-vjeçarin që ndërroi jetë disa ditë më parë nga koronavirusi.

Deri tani janë 5 raste të identifikuara në këtë vatër të shfaqur në lagjen nr.3 të Durrësit, banorë të të njëjtit pallat.

Gjatë ditës së sotme u konstatuan 16 raste të reja me koronavirus në vend, ku numri më i madh ishte në Shkodër me plot 6 raste.