Një sasi lënde eksplozive i është hedhur makinës së një punonjëseje policie në Durrës, gjatë natës. Nga shpërthimi, fatmirësisht ka pasur vetëm dëme material dhe jo viktima.

Policia e Durrësit informoi paraprakisht se ngjarja ndodhi rreth orës 22:35 të mbrëmjes së të shtunës në lagjen nr 17/1, Durrës.

Sipas njoftimi, nga muri i jashtëm rrethues i oborrit dyshohet se është hedhur nje sasi e dyshuar lënde plasëse ne afërsi të makinës tip "Audi", e parkuar në oborr dhe në pronësi të shtetases O.B., punonjëse policie.

Si pasojë ka vetëm dëme të vogla materiale. Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve