Një i është vënë në pranga pasi kërkohej për disa vepra penale.

Burime nga policia e Laçit kanë bërë të ditur se, nga forcat policore të Komisariatit të Policisë Kurbin, u ndalua 34-vjeçari me inicialet K. G., banues në Kurbin, i cili ishte shpallur në kërkim kombëtar në dhjetor të vitit 2018.

Ai ishte në kërkim pasi ishte denoncuar për dhunë si dhe gjatë kontrollit të banesës i janë gjetur armë dhe municione të fshehura.

Gjithashtu, me 22 Janar 2019, ndaj tij, Gjykata e Shkallës Parë Kurbin ka caktuar masën e sigurisë ‘Arrest në burg’ për veprat penale ‘Prodhim dhe mbajtje pa leje të armëve luftarake’, ‘Mbajtje pa leje të armëve sportive dhe gjuetisë’ dhe ‘Dhunë në familje’.