Superliga e Kosovës ka luajtur tre ndeshjet e para të javës së 25-të, me surprizat që nuk kanë munguar.

Ballkani kryesues është mposhtur 2-0 nga Fushë Kosova e vendit të parafundit në transfertë me dy golat e Skrijelj.

Gjithsesi Llapi i vendit të dytë nuk ka arritur të marrë kryesimin, pasi gjithashtu është mposhtur në transfertë nga Malisheva me rezultatin 2-1.

Në takimin tjetër, Gjilani ka fituar përballë Lirisë së vendit të fundit me rezultatin 3-0.

Kështu Drita ka shansin të afrohet me dy kryesuesit nëse arrin të triumfojë në transfertë përballë Feronikelit ditën e nesërme, teksa takimi tjetër është ai mes Prishtinës dhe Dukagjinit.