Pas fitores së rëndësishme ndaj Republikës Çeke në kuadër të kualifikimeve për Kampionatin Evropian “Euro 2024”, Kombëtarja e Shqipërisë do të zhvillojë pas dy ditësh miqësoren ndaj Bullgarisë.

Kjo ndeshje do të zhvillohet në stadiumin “Air Albania”, me fillim prej orës 18:00.

Nga faqja zyrtare e UEFA-s është bërë e ditur se drejtësia në këtë përballje do të ndahet nga gjyqtarë të Kosovës.

Mervan Bejtullahu do të jetë gjyqtari kryesor. Ai do të asistohet nga Fatmir Sekiraqa dhe Edmond Zeqiri.

Ndërkaq, gjyqtari nga Shqipëria, Erjon Bastari, është caktuar për në rolin e gjyqtarit të katërt.