Ilir Daja dhe Ballkani i tij u shpallën kampion për të dytin vit radhazi në Kosovë, pas fitores 2-0 ndaj Ferizajt dhe pas humbjes së Dritës 0-1 nga Malisheva.

Trajneri i skuadrës nga Suhareka nuk e fshehu gëzimin për këtë triumf, duke ja kushtuar këtë titull qytetit dhe tifozëve.

“Është e vështirë që ta mbrosh titullin. Këta djem e meritojnë këtë sukses, pasi kemi pasur një presion të madh. Lojtarët kanë cilësi dhe bashkëpunim të madh me njëri-tjetrin. Titulli i shkon të gjithë qytetit, kryesisë dhe në veçanti tifozëve”, u shpreh Daja.