Kosova e 21-vjeçarëve është rikthyer te fitorja në eliminatoret e kampionatit europian pas 5 humbjesh radhazi.

Sulmuesi i momentit në IPKO Superligën e Kosovës, Mirlind Daku autor i 10 golave në 4 takime, rezultoi përcaktues edhe në sfidën mes Kosovës U-21 dhe Andorrës duke realizuar golin e fitores për skuadrën e Rafet Prekazit në minutën e 61-të.

Me këtë sukses dardanët u ngjitën në vendin e 4-t të grupit 4 në kuotën e 9 pikëve, duke lënë pas Turqinë dhe vetëm 2 pikë larg Shqipërisë së vendit të 3-të.