Trajneri i Kosovës, Bernard Challandes, ka publikuar listën e lojtarëve që ka ftuar për dy ndeshjet që do të luajë këtë muaj ndaj Danimarkës dhe Bullgarisë.

Në sy bie se të gjithë lojtarët luajnë në kampionatet europiane, përveç Visar Bekajt që luan për Prishtinën në kampionatin kosovar.

Kombëtarja kosovare do të luajë në datën 21 mars kundër Danimarkës një miqësore, ndërsa në datën 25 mars do të luajë në Sofje kundër Bullgarisë, ndeshje e vlefshme për kualifikueset e Europianit 2020.

Kosova ka në grup Anglinë, Bullgarinë, Malin e Zi dhe Çekinë.