Kamza ka arritur të gjejë një mbrojtës krahu, për gjysmën e dytë të sezonit.
Ekipi i Ernest Gjokës ka siguruar shërbimet e mbrojtësit të majtë, Arbër Shala, nga klubi i Dritës në Kosovë.
Siç njofton vetë klubi nga Gjilani, Shala do të transferohet te Kamza në formën e huazimit, deri në fund të këtij sezonit.
27-vjeçari ka qenë më parë edhe pjesë e Laçit, në sezonet 2016-2018, ku ka luajtur edhe 41 takime.
Njoftimi i Dritës
Mbrojtësi i krahut Arbër Shala është transferuar në formë huazimi në kampionatin shqiptar te skuadra e Kamzës.
Sot është arritur marrëveshja në mes të palëve ku Shala do të jetë pjesë e Kamzës deri në fund të kampionatit!
Suksese Arbër!
FC DRITA
© SYRI.net