Kryeministri i Kosovës, Ramush Haradinaj, ka pritur në takim përfaqësuesit e klubit të futbollit Drita të Gjilanit.
Haradinaj klubit të Gjilanit i ka ndarë dekoratën e Hartës së Kosovës.
Drita është shpallur kampione e Kosovës për sezonin 2017-2018, teksa do të marrë pjesë në Champions League në edicionin 2018-2019.
Për t’u shpallur kampion, Dritës i mjaftoi barazimi kundër Prishtinës në javën e fundit, ndeshje që u mbyll 0-0 në stadiumin “Shani Haxhiislami” të Pejës.
Drita e përfundoi sezonin me 67 pikë, tri më shumë se Prishtina, teksa përgjatë 33 javëve pësoi vetëm 2 humbje, regjistroi 13 barazime dhe arriti 18 fitore.
© SYRI.net