Familja Kardashian ra sërish ‘pre’ e fotoshop-it. Këtë herë gabimin e ka bërë Khloe Kardashian, e cila me siguri nuk e ka vënë re se si dukej krahu i saj në fotot që ka postuar së fundmi në llogarinë personale në Instagram.Në një seri fotosh që ka postuar, ylli i reality televiziv i ‘Kardashians’ ka dashur t’i urojë nënës së saj ditëlindjen.

Megjithatë, fotografitë që ajo postoi ndoshta nuk ishin më të mirat që mund të kishte zgjedhur. Në foton e parë të postimit të saj, vëmendjen e publikut e tërhoqi dora e saj e fotoshopuar keq, duke e bërë atë të deformuar.

Megjithatë, nuk është hera e parë që Khloe Kardashian kritikohet keq për editimin e fotove të saj, pasi në shumicën e tyre fansat e saj vërejnë “gabime”.

Për shembull, në shumicën e fotove që poston në rrjetet sociale, Khloe Kardashian ndoshta përdor një program regullimi që e bën atë të duket më e gjatë, duke rezultuar në shtrembërimin e krahëve.