Bukuroshja shqiptare Endi Demneri po përfaqëson Shqipërinë në edicionin e 72-të të “Miss Universe”, që mbahet këtë vit në El Salvador, pasi u kurorëzua si më e bukura e Shqipërisë.

Së fundmi nga produksioni është hapur një votim dhe në rrjetin social Instagram të “Miss Universe” është publikuar lista me 10 vajzat më të votuara, pjesëmarrëse në këtë kompeticion të rëndësishëm bukurie.

Në këtë listë Endi Demneri është renditur e treta në bazë të votimeve që kanë bërë fansat dhe ne nuk mund të jemi më të lumtur se kaq. Një arritje shumë e madhe kjo, për të cilën ne ndihemi të gjithë shumë krenarë.

Vetë Endi me anë të një postimi në rrjetin e saj social Instagram, ka shprehur emocionet e pafundme për këtë arritje, “Nuk mund ta besoj! Faleminderit pafund për suportin tuaj! Jam pa fjalë!”.