Këngëtari i njohur Justin Bieber dhe parnterja e tij Hailey kanë festuar së fundmi pesë vjetorin e martesës së tyre.
Dhe në këtë ditë të veçantë artisti ka ndarë për ndjekësit disa imazhe të pabulikuara më parë krah modeles, teksa shkroi:
“Për më të shtrenjtën, të dashurën time. 5 vite. Më ke pushtuar zemrën. Unë e di nga thellësia e shpirtit tim se ky udhëtim me ty vetëm do të tejkalojë situatat tona më të vështira. Pra, le të vazhdojmë të ëndërrojmë zemra ime. Gëzuar përgjithmonë e përgjithmonë. Të dua me gjithë qenien time.GËZUAR 5 VJETORIN!!!”
Postimi përmbante foto të adhurueshme të çiftit, nga puthjet pasionante e deri te darkat me qirinj, duke i kujtuar të gjithëve dashurinë që ata kanë për njëri- tjetrin.
Modelja gjithashtu publikoi një postim të ëmbël dhe të shkurtër në Instagram ku shkruante:
“5, të dua”, shoqëruar nga një yll dhe një emoji zemre. Postimi i saj përfshinte imazhe që kapnin momente të ëmbla nga udhëtimi i tyre, me një foto veçanërisht të Justin- it duke e përqafuar dhe puthur në faqe.
Çifti u fejua në korrik të 2018-ës dhe i shkëmbyen betimet e tyre me një ceremoni private në shtator. Në vitin 2019 , ata festuan dashurinë e tyre me një ceremoni luksoze në hotelin Montage Palmetto Bluff në Karolinën e Jugut .
© SYRI.net