Heidi, banorja e Big Brother VIP, ka qenë pjesë edhe e “Grande Fratello” në Itali, nga ku mori shumë vëmendje.

Gjatë pjesëmarrjes në “Grande Fratello”, Heidi pati një romancë me aktorin italian Massimiliano Varrese. Që prej hyrjes të saj në BBV ajo është komentuar shumë në lidhje me raportin që krijoi me 47-vjeçarin.

Me veprimin e tij të fundit, duket se Varrese e ka parë se sa shumë i komentuar është në Shqipëri. Një ditë më parë ai ka bërë një postim në Instastory, ku shkruan edhe shqip dhe bën një falenderim për fansat që i kanë shkruar.

“Falenderoj sinqerisht të gjithë njerëzit që më shkruajnë me shumë dashuri këto ditë nga Shqipëria”, shkruan ai.