Këngëtarja e njohur Miranda Lambert ka ndaluar për disa minuta koncertin e saj në Las Vegas.

Teksa po performonte në skenë këngët e saj më të mira, në një moment ka ndaluar dhe iu ka kërkuar pjesmarrësve që ti lënë telefonat dhe të dëgjojnë muzikën.

“Unë do të ndaloj këngën për një sekondë,” tha Lambert ndërsa këndonte baladën e saj “Tin Man”.

Më pas ajo iu drejtua audiencës duke thënë: “Këto vajza janë të shqetësuara për të bërë foto dhe nuk e dëgjojnë këngën dhe kjo gjë mua po më mërzit pak”.

“Nuk më pëlqen – fare,” tha ajo teksa shtoi: “Ju jeni sonte këtu për të dëgjuar muzikë kanti. A dëshironi që të fillojmë përsëri?”

Mirëpo nga ana tjetër publiku i Las Vegas-it e mbështeti fituesen e çmimit ‘Grammy’ duke duartrokitur pasi Lambert vazhdoi të performonte këngën që kishte lënë përgjysmë.