Lily-Rose Depp dhe reperja amerikane, 070 Shake (emri i vërtetë: Danielle Balbuena), po përjetojnë një romancë dhe vetë aktorja e ka konfirmuar lidhjen.
 
Lily postoi një foto për të festuar 4-mujorin e lidhjes me reperen dhe sipas burimeve, kanë nisur të takohen në mes të janarit. Më pas, në shkurt nisën thashethemet, pasi u panë mjaft të afërta në Javën e Modës në Paris.

Ndonëse Lily-Rose e ka mbajtur mjaft private jetën e saj sentimentale, këtë herë, ka zgjedhur që ta bëjë publike romancën e saj. Lidhjet e saj të mëparshme, si për shembull me Yassine Stein, Austin Butler dhe Timothée Chalamat janë bërë publike përmes burimeve dhe paparacëve.