Kiara, ndonëse ka dalë nga shtëpia e “BBVA”, vijon të jetë në vëmendjen e opinionistëve të formatit. Jo më larg se mbrëmë, ajo ka pasur disa përplasje me Zhaklinë Lekatarin dhe u përball (sërish) me ironinë e Arbër Hajdardit.
 
Ndaj, kur pamë këtë postimin në Instastory, menduam se ndoshta ka ironizuar opinionistët. Me një shprehje të Zafón, Kiara shkroi: “Është e çuditshme si i gjykojmë të tjerët dhe nuk e vërejmë sa i mjerë është përçmimi ynë”.

Postimi është publikuar para rreth 10 orëve, kur Kiara ishte në zonën e ish-banorëve dhe zhvilloi një debat me Zhaklinën dhe me ish-konkurrenten, Tean. Debati nisi falë një komenti që Luizi i bëri Efit për pjesëmarrjen e saj në programin “Për’Puthen”. Luizi u shpreh që “Efi vjen nga një emision gënjeshtrash” dhe tha se është turp që ajo ka marrë pjesë në këtë emision.