Sot në mëngjes mund të kesh lexuar kudo se Valdrin Sahiti u arrestua në aeroportin e Stambollit dhe përdori pasaportën e tij diplomatike për të kaluar me një sasi lënde narkotike (sikur të ishte kaq e thjeshtë), por postimet e tij në Instagram tregojnë se ai është në Dubai, duke bërë atë që di të bëjë më mirë: Duke krijuar një koleksion të ri! 

Valdrini (deri më tani) ka reaguar tërthorazi, duke publikuar pamje të Dubait, madje në një video shfaqet edhe vetë, duke diskutuar dhe përzgjedhur një material.
 
Qartazi, këto postime tregojnë se Valdrini jo vetëm që është i lirë, por vijon të punojë për të sjellë prurjet e reja të “VS”. Madje, nga postimet e tij morëm vesh edhe se në fund të majit stilisti do të jetë në New York.