Ditën e djeshme në Big Brother VIP Albania banorët pranuan mesazhe të ndryshme nga fansat përmes aplikacionit ‘Big Love’.

Mes tyre, Luizi pranoi një mesazh që thuhet se i erdhi nga djali i Bekim Jasharit, Hamëz Jashari.

“Të përshëndesim nga Prekazi heroik i Adem Jasharit”, shkruhej në mesazh.

Megjithatë, ajo që mori vëmendje ishte aktorja Oltës e cila në një moment tha: “Çfarë është Prekazi?”.

Kjo bëri që të ketë reagime të shumta në rrjet, e një i tillë nuk mungoi as nga ish-deputeti i Kuvendit të Kosovës, Milaim Zeka.

Në një postim të shpërndarë në Facebook, Zeka u shpreh i zhgënjyer nga kjo deklaratë e Gixharit.

“Imagjinoni kush quhet VIP tek ne shqiptarët? Olta nuk e di as kush është Prekazi, as familja Jashari. Nuk ka televizion botëror që nuk ka transmetuar kronika nga tragjedia e Prekazit më 5,6,7 mars 1998”, tha ai.

“Burrat më të mëdhenj të botës e kanë vizituar këtë vend të shenjtë. A kjo VIP-i?”, theksoi më tej ish-deputeti.