Edhe pse u përfol se martesa e Wanda Nara dhe futbollistit Mauro Icardi përfundoi për shkak të marrëdhënies së tij sporadike me aktoren argjentinase China Suarez, dueket se nuk është kështu.

Nara ka folur së fundmi rreth marrëdhënies së saj gjatë një interviste për revistën ‘Vanity Fair’: “Nuk e prisja, Mauro nuk më kishte dhënë kurrë arsye për të qenë xheloze. Ishte keq, por më pas kuptova që nuk jetojmë një përrallë të Disney-t dhe se disa gjëra mund të ndodhin”, tregoi fillimisht ajo.

“E kam njohur Mauron kur ishte 18 vjeç, nuk ishte me përvojë. Mendoj se për këtë arsye ndodhi. Në fakt, e kuptoi edhe më shumë se sa më donte. E fala gabimin, problemi ishte diçka tjetër.” – shpjegoi Nara.

Më tej modelja shpjegoi arsyet e kësaj ndarjeje: “Ne tashmë kemi nënshkruar ndarjen. Mauro nuk donte dhe ishte shumë e vështirë, sepse unë ende e dua shumë.

Por gjërat nuk po funksiononin, energjia ishte e keqe në shtëpi dhe në një moment i thashë: “Duhet ta ndalojmë. Bëmë dashuri deri në fund, pastaj shkova në Argjentinë. Kam bërë fushata reklamuese dhe kam drejtuar emisione televizive. Isha dy muaj larg, distanca nuk më ndihmoi”.

Arsyeja kryesore e ndarjes së tyre ishte për shkak të shqetësimeve të Narës. Pasi iu përkushtua për një dekadë pesë fëmijëve të saj, ajo dëshiron t’u kthehet sfidave të mbetura në të kaluarën. Dhe Icardi nuk e pëlqeu këtë.

“E vërteta është se kam pasur pesë fëmijë, të gjithë i kam ushqyer me gji, i kam rritur dhe iu përkushtova për 10 vjet”, u shpreh Nara.

“Kohët e fundit i kisha thënë Mauros se doja të kthehesha në punë dhe atij nuk i pëlqente. Është e rrallë që gruaja e një futbollisti të punojë.

Për një kohë të gjatë jam kujdesur vetëm për fëmijët dhe burrin tim, por tani dua të kthej kohën time. Dhe po i rikthehem profesionit tim. Në Argjentinë vazhdojnë të më ofrojnë programe për të drejtuar dhe më pëlqen shumë televizioni.

Nuk i pëlqen ideja që i largon vëmendjen familjes, ndërsa për mua pavarësia është thelbësore: është rruga drejt lirisë”- theksoi ajo.

“Kështu që herë pas here ai përpiqet të më rifitojë, një ditë tjetër erdhi të më merrte në aeroport me një makinë plot lule, pastaj më nxirrte për darkë dhe më tha: “Nuk po dorëzohem”. Mirë, por e di që nëse lidhemi sërish dhe pas dy muajsh përmend një ofertë të re pune, do të kthehemi aty ku ishim në fillim

Nëna ime ishte aktore kur ishte e re. Ajo u takua me babanë tim dhe u largua. Dhe unë, në vitin 2022, nuk mund ta lë historinë të përsëritet.”- përfundoi Wanda.