Angelina Jolie ribashkoi fëmijët e saj për premierën e “Eternals”, por këtë herë në Britaninë e Madhe. 

Aktorja 46-vjeçare u shfaq në tapetin e kuq në Londër e shoqëruar nga pesë prej tyre - Maddox (20), Zahara (16), Shiloh (15) dhe binjakët 13-vjeçarë Vivienne dhe Knox.

Jolie, e cila është gjithashtu nëna e djalit 17-vjeçar të Pax-it, dukej e relaksuar dhe elegante në të njëjtën kohë e veshur me një xhaketë të zezë oversize, shoqëruar me një fund maxi dhe këmishë të bardhë.

Maddox dhe Knox kishin veshur kostume me ngjyrë të errët, ndërsa Vivienne kishte veshur të njëjtin fustan që kishte veshur në premierën e Los Angeles dhe Zahara kishte veshur një mini fustan të verdhë të ndezur.

Shiloh ishte në qendër të vëmendjes e veshur me një version të shkurtuar të të njëjtit fustan Dior bardh e zi që Jolie veshi në konferencën për shtyp për prezantimin e filmit "Maleficent: Mistress of Evil 2019".

Aktorja, e cila ka gjashtë fëmijë me ish-bashkëshortin e saj Brad Pitt, aktualisht është e zënë me një turne promovues për të prezantuar filmin më të fundit të Marvel-it, në të cilin ajo luan Tena - një luftëtare me forcë, shpejtësi dhe qëndrueshmëri ekstreme.

Të dielën, ylli dhe dy vajzat e saj pozuan në tapetin e kuq të premierës së “Eternals” në Romë, të veshur me një fustan Versace në ngjyrë argjendi.

Angelina Jolie shkëlqen me një fustan Versace të argjendtë në premierën e "Eternals" në Romë.

Javën e kaluar, aktorja mori pjesë në premierën e Eternals në LA me pesë nga fëmijët e saj, pa Pax.

Me këtë rast, Zahara vodhi të gjithë vëmendjen, pasi ashtu si Shiloh mbrëmë, ajo kishte veshur fustanin e nënës së saj që Jolie kishte veshur në Oscars 2014, dizajnuar nga Elie Saab.