Babai i këngëtares së njohur, Çiljeta Xhilagës ka humbur jetën para disa kohësh si shkak i një beteje disa ditore me Covid-19.

Ai po trajtohej në spitalin “Shefqet Ndroqi”, por fatkeqësisht nuk arriti ta fitonte luftën me virusin 'tinëzar'.

Së fundmi, këngëtarja ka qenë e ftuar në “E diell”, ku ka folur mes dhimbjes për të atin e ndjerë.

“Unë atë e kujtoj çdo herë, sa herë që hap telefonin shoh fotot e tij dhe më merr malli. Babai ka qenë një burrë shumë fisnik dhe një shtysë shumë e madhe, që në vogëli, duke qenë edhe unë vajzë e vetme”, tha ajo.

Artistja ka treguar se gjëja që e bën më së shumti të lumtur është fakti që arriti ta bënte gjysh.