Mbretëresha Elizabeth II është këshilluar të pushojë në Kështjellën Windsor dhe të anulojë udhëtimin në Irlandën Veriore, i cili ishte planifikuar të mërkurën dhe të enjten.

Në një deklaratë, pallati tha se Mbretëresha është këshilluar të pushojë dhe se kjo nuk ka lidhje me Covid-in.

“Madhëria e saj është me humor të mirë dhe është e zhgënjyer që nuk do të mund të vizitojë Irlandën e Veriut, ku duhej të ndërmerrte një sërë angazhimesh sot dhe nesër.”, tha Pallati Buckingham në një deklaratë.