Personazhi i Madalenës në monodramën “Dashuritë e Virgjëreshës Madalenë” bëri shumë bujë. Por për të folur mbi këtë personazh e ftuar në studion e “Ftesë në Pesë” ishte ftuar pikërisht aktorja Arjola Demiri.
Skena e masturbimit bëri, që emri i saj të lakohej nga të gjitha portalet, por vetë Arjola e cilësoi normale dhe të pranueshme për çdo aktor.
Sa i përket jetës personale, e lindur dhe rritur në Tropojë, nëna e tre fëmijëve tregoi vështirësitë pas divorcit, por edhe fëmijërinë e vështirë në qytetin e lindjes.
“Ka qenë shumë e vështirë të rritesh në Tropojë, siç është e vështirë të rritesh në çdo cep të Shqipërisë. Sidomos periferitë janë të vështira, janë zona shumë të vështira për vajzat. Mentaliteti ka qenë shumë i ashpër. Do mbylleshe në shtëpi në orën një e gjysmë pas mësimit, nuk do dilje jashtë të luaje, erdhi 97’…Ishte shumë e tmerrshme të ishe vajzë në Tropojë”, përfundoi ajo.
© SYRI.net