Mesfushori i Anglisë, Jude Bellingham, ka hedhur poshtë spekulimet për një përplasje me Lionel Messin gjatë gjysmëfinales së Kupës së Botës 2026 mes Anglisë dhe Argjentinës.
Futbollisti anglez sqaroi se nuk ka pasur asnjë konflikt me kapitenin argjentinas dhe se situata është interpretuar gabimisht.
"Nuk pati asnjë problem me Messin. Po flisnim për një goditje ku pati pak fërkim, në fakt nuk kishte asgjë të keqe," u shpreh Bellingham.
Ai theksoi se pret që mediat ta zmadhojnë episodin, por sipas tij nuk ka asnjë arsye për polemika.
"Jam i sigurt se secili do ta bëjë punën e vet dhe do ta fryjë këtë histori, por për mua nuk kishte asgjë."
Në fund, Bellingham nuk i kurseu fjalët e vlerësimit për Lionel Messin, duke e cilësuar një nder mundësinë për t'u përballur me një nga futbollistët më të mëdhenj në histori.
"Për mua ishte një privilegj të përballesha me Leon."
Deklarata e yllit anglez vjen për t'i dhënë fund aludimeve për tensione mes dy lojtarëve, duke konfirmuar se gjithçka mbeti brenda normales së një ndeshjeje me emocione të mëdha.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ishte më i vjetri i Botërorit, portieri i Skocisë mbyll karrierën
FIFA do t’i dhurojë për herë të parë kampionëve të Botës unaza të arta
Atletico Madrid vendos rekord në finalen e Botërorit, 9 futbollistë do të luajnë në Spanjë-Argjentinë