Dronët pa pilotë 'trembin' Finlandën, bllokohet hapësira ajrore, kufizohet trafiku detar pranë kufirit me Rusinë

Ushtria finlandeze ka deklaruar ditën e hënë se ka mbyllur një pjesë të hapësirës ajrore të vendit dhe ka kufizuar trafikun detar në bregdetin jugor të vendit pranë kufirit me Rusinë për shkak të rrezikut të hyrjes së dronëve pa pilot të humbura në zonë.

Dronët ushtarakë ukrainasë që synojnë Rusinë kanë hyrë në hapësirën ajrore të Finlandës, Estonisë, Letonisë dhe Lituanisë këtë vit, duke ngritur shqetësime se lufta në Ukrainë po ka ndikim në kufijtë veriorë të NATO-s.

"Finlanda po merr masat në mënyrë që të sigurohemi që autoritetet të mund të ndërmarrin veprime nëse dronët largohen dhe hyjnë në zonë, që do të thotë kundërmasa të sigurta dhe siguri për kalimtarët", tha një zëdhënës ushtarak.

Zëdhënësi tha se ushtria nuk mund të komentojë mbi burimin e informacionit në lidhje me aktivitetin e mundshëm të dronëve, pasi është informacion operativ.

Mediat e huaja bëjnë me dije se Ukraina ka shtuar sulmet ndaj objektivave ruse me dronë me rreze të gjatë veprimi. Kievi dhe aleatët e tij në NATO kanë fajësuar ndërhyrjen ruse për devijimin e disa dronëve ukrainas në hapësirën ajrore të NATO-s. Moska akuzon Ukrainën se i drejton qëllimisht dronët drejt kufirit.