Tajfuni Noul godet Kinën jugore, evakuohen më shumë se 715,000 njerëz

Tajfuni Noul goditi Kinën jugore herët këtë mëngjes, duke sjellë erëra të forta dhe shira të rrëmbyeshëm, të cilët prekën edhe Hong Kongun gjatë fundjavës. Stuhia detyroi evakuimin e më shumë se 715,000 njerëzve në provincën Guangdong, ndërsa autoritetet ngritën nivelin e alarmit dhe qindra fluturime u anuluan.

Qendra Kombëtare Meteorologjike e Kinës tha se tajfuni Noul mbërriti në tokë rreth orës 3:50 të mëngjesit sipas orës lokale përgjatë bregdetit të qytetit Huizhou, në provincën Guangdong. Agjencia shtetërore e lajmeve Xinhua e Kinës tha se Noul ishte tajfuni më i fortë që ka goditur Kinën këtë vit.

Observatori i Hong Kongut tha se Noul, me erëra maksimale të qëndrueshme prej 110 kilometrash në orë, po lëvizte në brendësi drejt provincës Guangdong dhe po dobësohej gradualisht, por ende po sillte erëra të forta dhe reshje të rrëmbyeshme shiu në disa pjesë të rajonit.rafiku hekurudhor në provincë u pezullua gjatë javës.

Transmetuesi shtetëror CCTV raportoi se një numër i madh pemësh u rrëzuan nga stuhia në qarkun bregdetar të Huilai.

Autoriteti i Aeroportit të Hong Kongut tha se rreth 350 fluturime u anuluan sot. Sipas autoriteteve lokale, të paktën nëntë persona u plagosën gjatë kalimit të tajfunit.