Kallas: Bllokada detare e rebelëve Huthi ndaj Arabisë Saudite, rrezikon stabilitetin rajonal

Shefja e politikës së jashtme të Bashkimit Evropian, Kaja Kallas ka deklaruar këtë të mërkurë se kërcënimet e fundit nga rebelët huthi të Jemenit, të mbështetur nga Irani, për të vendosur një bllokadë detare ndaj Arabisë Saudite, rrezikojnë stabilitetin rajonal dhe përbëjnë një përshkallëzim të rrezikshëm.

Në një deklaratë të enjten, Kallas u bëri thirrje rebelëve Huthi të ndërpresin të gjitha veprimet që rrezikojnë transportin detar ndërkombëtar dhe jetën e detarëve.

Grupi militant pretendoi se kishte goditur dy anije cisterna saudite nafte në Detin e Kuq më herët të enjten, pas njoftimit të tyre të së hënës për një bllokadë detare ndaj anijeve saudite, një veprim që kërcënon të hapë një front të ri në luftën me Iranin.

“Sulmi ndaj një anijeje cisternë nafte në Detin e Kuq është i papranueshëm, i paligjshëm dhe përkeqëson më tej një situatë tashmë të paqëndrueshme në rajon. Lundrimi duhet të jetë i papenguar, si në Ngushticën e Hormuzit ashtu edhe në Detin e Kuq”, tha Kallas.