OKB: Rreth 6,000 marinarë ende të bllokuar në Gjirin Persik

Organizata Ndërkombëtare Detare (IMO), agjencia e OKB-së përgjegjëse për sigurinë detare, vlerësoi se rreth 6,000 detarë ishin ende të bllokuar në Gjirin Persik.

Kjo agjenci e OKB-së dënoi vazhdimin e armiqësive në rajon dhe në Ngushticën e Hormuzit.

“Këto sulme vetëm sa e përkeqësojnë frikën, pasigurinë dhe vuajtjet psikologjike që kanë përjetuar tashmë afërsisht 6,000 detarë të bllokuar në anije që nuk janë në gjendje të largohen në mënyrë të sigurt nga Gjiri”, tha Sekretari i Përgjithshëm i IMO-s, Arsenio Dominguez.

Ai u bëri thirrje të gjitha palëve që të shmangnin lundrimin e anijeve të tyre nëpër atë ngushticë.

Presidenti i SHBA-së, Donald Trump, tha sot në Ankara se memorandumi i mirëkuptimit i nënshkruar me Iranin është përfunduar, por shtoi se do të lejojë që negociatat të vazhdojnë."Për mua, mendoj se ka mbaruar", tha Trump në margjinat e një samiti të NATO-s në Ankara, ku u pyet nga gazetarët për statusin e armëpushimit.

Shtetet e Bashkuara të Amerikës (SHBA) goditën më shumë se 80 objektiva në Iran në përgjigje të sulmeve iraniane ndaj anijeve tregtare në Ngushticën e Hormuzit, të cilat shkaktuan sulmet e Teheranit ndaj bazave amerikane në Kuvajt dhe Bahrein këtë mëngjes.