Goditet rrjeti ndërkombëtar i burrave që drogonin dhe abuzonin me gratë në Britani, 8 persona në prangat e policisë

Tetë persona janë arrestuar në Mbretërinë e Bashkuar si pjesë e një hetimi mbi një rrjet ndërkombëtar burrash që droguan dhe abuzuan seksualisht me gra në rrethet e tyre.

Sipas raportimeve të mediave të huaja, ngjarjet përkojnë rastin e francezes Giselle Pélicot, e cila u drogua nga ish-burri i saj dhe ftoi burra të panjohur ta përdhunonin, pa dijeninë e saj, për gati një dekadë. Që nga gjyqi i Dominique Pélicot në vitin 2025, shumë raste të ngjashme janë zbuluar në Evropë, kryesisht në Gjermani dhe Holandë.

Pas një hetimi të vitit 2025 nga gazetarët gjermanë në një forum online për krime të tilla, agjencia britanike identifikoi një rrjet vërtet ndërkombëtar, me anëtarë në dhjetëra vende, në çdo kontinent. Hetimi në platformën pa emër çoi në arrestimin e tetë personave në Britani, ndërsa 14 hetime të ndara janë duke u zhvilluar, si në Mbretërinë e Bashkuar ashtu edhe jashtë saj. Zyrtarët kanë identifikuar më shumë se 270 persona të lidhur me forumin.

“Sulmet seksuale të shkaktuara nga droga nuk janë më incidente të izoluara, por po bëhen gjithnjë e më të organizuara. Shkalla e fenomenit që kemi parë deri më tani është thellësisht shqetësuese”, tha Nigel Leary, zëvendëskryetari i NCA-së, duke vënë në dukje se fenomeni po “lehtësohet” nga platformat dixhitale.