Përballë kërcënimit nga El Nino, Peruja shpall gjendjen e jashtëzakonshme 60-ditore

Qeveria e Perusë ka shpallur gjendjen e jashtëzakonshme 60-ditore në qindra komuna të vendit, për shkak të rrezikut të lartë nga reshjet e dendura dhe përmbytjet që pritet të shkaktojë fenomeni klimatik El Niño. Vendimi synon të lejojë autoritetet të marrin masa emergjente për mbrojtjen e qytetarëve dhe infrastrukturës përballë motit ekstrem.

Sipas mediave të huaja, më shumë se 9.3 milionë peruanë janë në rrezik të lartë nga përmbytjet dhe rrëshqitjet e dheut , tha Qendra Kombëtare për Vlerësimin, Parandalimin dhe Zvogëlimin e Rrezikut nga Fatkeqësitë (Cenepred).

"Ne kemi shpallur gjendje të jashtëzakonshme për 60 ditë në 796 komunitete, për shkak të shirave të rrëmbyeshëm që priten", tha Presidenca e Këshillit të Ministrave në një deklaratë.

Peruja ka gjithsej 1,800 komuna. Me shpalljen e gjendjes së jashtëzakonshme, autoritetet rajonale dhe lokale, në koordinim me Mbrojtjen Civile dhe mbështetjen shtetërore, lejohen të marrin masa emergjente për të mbrojtur popullsinë dhe infrastrukturën. Organizata që monitoron zhvillimin e fenomenit El Niño në Peru e rriti intensitetin me të cilin pritet të godasë vendin nga i moderuar në i fortë.

El Niño i këtij viti mund të zhvillohet në një nga fenomenet më intensive të regjistruara ndonjëherë. Sipas ekspertëve, El Niño i këtij viti mund të zhvillohet në një nga fenomenet më intensive të regjistruara ndonjëherë. Temperatura ishte veçanërisht e lartë në qershor në Paqësorin qendror dhe lindor, rajonin përgjatë ekuatorit, sipas Qendrës Detare Evropiane Koperniku.

Në zonat bregdetare të Perusë, ajo arriti deri në 26 gradë Celsius, domethënë pesë gradë mbi mesataren për sezonin. Në vitin 2023, përmbytjet dhe rrëshqitjet e tokës të përkeqësuara nga El Niño vranë 99 persona në Peru. Ngjarje ekstreme të motit priten për shkak të El Niño.