Ish-kryebashkiaku i Nju Jorkut, Rudy Giuliani, ndodhet në spital në një gjendje “të qëndrueshme, por kritike”, sipas një deklarate të bërë publike nga zëdhënësi i tij, Ted Goodman, raporton BBC.
Menjëherë pas publikimit të deklaratës, presidenti amerikan Donald Trump reagoi duke shprehur mbështetjen e tij. Ai e cilësoi Giulianin si një “luftëtar të vërtetë” dhe “kryebashkiakun më të mirë në historinë e Nju Jorkut”.
Giuliani u bë i njohur gjerësisht si “Kryebashkiaku i Amerikës” për rolin e tij në drejtimin e New York City gjatë pasojave të sulmeve terroriste të 11 shtatorit.
Pas zgjedhjeve presidenciale të vitit 2020, ai ishte një nga figurat kryesore që mbështeti pretendimet e Trump për manipulim të rezultatit zgjedhor, duke akuzuar kundërshtarin e tij, ish-presidentin Joe Biden.
Këto pretendime u hodhën poshtë dhe më vonë një juri e detyroi Giulianin të paguante 148 milionë dollarë dëmshpërblim ndaj dy punonjësve zgjedhorë për shpifje.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Nga PayPal te SpaceX, rrugëtimi i Elon Musk drejt revolucionit hapësinor
Një tërmet i fortë godet shtetin jugor meksikan të Guerreros, sa ishte magnituda
Pekini dominon rajonin, Kina kryeson investimet në Azinë Qendrore