Witkoff: SHBA-të po flasin me Iranin, jemi në negociata!

Shtetet e Bashkuara të Amerikës kanë njoftuar se janë në bisedime me Iranin, lidhur me arritjen e një marrëveshjeje, mbi çështjet për të cilat nuk janë dakorduar ende.

‘Shtetet e Bashkuara po "bisedojnë" me Iranin’, kështu është shprehur Steve Witkoff, i dërguari i Donald Trump për CNN.

"Jemi në bisedime", shtoi ai. Kontaktet ekzistojnë, raporton CNN, ndërsa bisedimet duket se janë intensifikuar pas një ngërçi relativ, por presidenti nuk ka shfaqur optimizëm, duke postuar në mediat sociale të shtunën se "nuk mund ta imagjinojë" që propozimi i fundit nga Irani "do të ishte i pranueshëm, në kuptimin që ata ende nuk kanë paguar një çmim mjaftueshëm të madh për atë që i kanë bërë njerëzimit"../ CNN.