Shefi i ushtrisë ukrainase: Rusia po intensifikon ofensivën e saj, por i mungojnë raketat

Kreu i ushtrisë ukrainase, gjenerali Oleksandr Sirsky, tha sot se forcat ruse kanë intensifikuar operacionet e tyre ofensive përgjatë pothuajse të gjithë vijës së frontit, por Rusia po përballet me mungesë raketash për t'iu kundërvënë aftësive sulmuese të Ukrainës.

Gjenerali Sirsky e përshkroi situatën në terren si "të vështirë" në rrjetet sociale dhe shtoi se forcat ukrainase po i shkaktojnë Rusisë humbje që tejkalojnë aftësinë e saj për të siguruar përforcime shtesë për shkak të mungesës së raketave.

Komandanti ushtarak i Ukrainës tha se sulmet që synojnë objektet prodhuese ruse dobësojnë më tej aftësitë e mbrojtjes ajrore të Moskës, e cila tashmë përballet me mungesë raketash për t'iu kundërvënë dronëve ukrainasë dhe sistemeve të tjera sulmuese.