Kryeministri i Izraelit, Benjamin Netanyahu, po kërkon një takim urgjent me presidentin amerikan, Donald Trump, raportoi CNN duke cituar një burim izraelit.
Sipas burimit, Netanyahu po përpiqet të organizojë takimin menjëherë pas kthimit të Trump nga samiti i G7 në Evropë fundjavën e ardhshme, ose sa më shpejt që të jetë e mundur pas përfundimit të tij.
Kërkesa për takim vjen në një kohë kur po rriten tensionet lidhur me negociatat për programin bërthamor të Iran dhe zbatimin e armëpushimit me Hezbollah në Liban.
Ndërkohë, Trump kritikoi ashpër Izraelin të dielën, pasi ushtria izraelite kreu sulme ndaj Bejrut si kundërpërgjigje ndaj zjarrit të Hezbollahut në veri të Izraelit. Presidenti amerikan deklaroi se sulmi ndaj kryeqytetit libanez “nuk duhej të kishte ndodhur”, ndërsa e cilësoi sulmin e Hezbollahut si “shumë të vogël dhe të parëndësishëm”.
Deklaratat e Trump kanë nxjerrë në pah dallimet mes Uashingtonit dhe Tel Avivit lidhur me menaxhimin e situatës së sigurisë në rajon, ndërsa përpjekjet për ruajtjen e armëpushimit mbeten të brishta.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Presidenti Trump njofton se marrëveshja me Iranin është arritur: Ndizni motorrët
Një aeroplan me parashutistë u rrëzua pranë një aeroporti në Misuri, duke vrarë 12 persona
Polonia miraton dënimin deri në pesë vjet burg për transmetimin online të vrasjeve, përdhunimeve dhe dhunës