Një aeroplan me parashutistë u rrëzua pranë një aeroporti në Misuri, duke vrarë 12 persona

Njëmbëdhjetë parashutistë dhe një pilot u vranë në një përplasje avioni pranë aeroportit Butler në shtetin amerikan të Misurit, sipas autoriteteve amerikane, siç raportohet nga CNN.

Aksidenti ndodhi pranë Aeroportit Memorial Butler, tha Patrulla e Autostradave Shtetërore të Misurit në Platformën X.

“ Aeroplani u ngrit rreth orës 11:20 të mëngjesit sipas kohës lokale, por nuk arriti lartësinë e kërkuar, u kthye ndjeshëm majtas dhe u rrëzua rreth 300 jardë larg pistës”, tha për CNN Dennis Jacobs, menaxher në detyrë i aeroportit dhe drejtor i Shërbimeve të Emergjencave të Qarkut Bates.

Siç konfirmohet nga Jacobs, avioni me një motor turbohelikë përdoret nga kompania Skydive Kansas City, raporton CNN .

Aeroplani po transportonte parashutistë kur ekipet e emergjencës morën një raport se avioni ishte rrëzuar dhe ishte përfshirë nga flakët, konfirmoi për Associated Press rreshteri i Patrullës së Autostradave të Misurit, Justin Ewing."U ul në një fushë pranë aeroportit, por mendoj se e mbyllën rrugën si masë paraprake", tha Ewing për AP.

Ai shtoi se aksidenti do të hetohet nga Bordi Kombëtar i Sigurisë së Transportit.

"Viktimat nuk janë identifikuar ende, pasi familjet nuk janë njoftuar për aksidentin", tha Ewing.

Departamenti i Policisë së Butler dhe Zyra e Sherifit të Qarkut Bates janë gjithashtu në vendngjarje.

Butler ndodhet rreth 65 milje në jug të Kansas City, Missouri.