Australia emëron për herë të parë një grua në krye të ushtrisë

Australia ka bërë të ditur se një grua do të marrë drejtimin e ushtrisë për herë të parë në historinë e vendit, si pjesë e një ristrukturimi në udhëheqjen e forcave të mbrojtjes.

Gjeneral-lejtnant Susan Coyle, aktualisht shefe e kapaciteteve të përbashkëta, do të marrë detyrën e shefes së ushtrisë në muajin korrik, sipas një deklarate të qeverisë. Ajo do të zëvendësojë gjeneral-lejtnant Simon Stuart.

Emërimi i Coyle vjen në një kohë kur ushtria australiane po përpiqet të rrisë numrin e grave në radhët e saj. Institucioni përballet gjithashtu me një valë akuzash për ngacmime seksuale sistematike dhe diskriminim./Reuters